Soltústik Qazaqstan oblysynda sý tasqyny kezinde kómek kórsetý úshin Túrkistan oblysynyń top quramynda kelgen 45 jastaǵy qutqarýshy qaıtys boldy, dep jazady Egemen.kz TJM baspasóz qyzmetine silteme jasap.
Tótenshe jaǵdaı baspasóz qyzmetiniń habarlaýynsha, Túrkistan oblysy Tótenshe jaǵdaılar departamenti О́rt sóndirý jáne avarııalyq-qutqarý jumystary qyzmetiniń Saıran aýdany N6 órt sóndirý bóliminiń komandıri, azamattyq qorǵaý praporshıgi Bekjan Baldanov Taıynsha aýdandyq aýrýhanasynyń jansaqtaý bóliminde kóz jumdy. Qutqarýshynyń qaıtys bolýynyń sebebi - mıokard ınfarktisi.
Qutqarýshy Bekjan Baldanov 1 sáýirde Taıynshaǵa kelip, sol kúni keshke ózin nashar sezinip, aýrýhanaǵa túsken. Petropavlǵa gospıtalızasııaǵa sanıtarlyq avıasııamen jetkizilý kerek bolǵan.
Tótenshe jaǵdaılar mınıstrligi, Tótenshe jaǵdaılar departamenti jáne Soltústik Qazaqstan oblysynyń ákimdigi komandırdiń otbasyna, jaqyndaryna jáne áriptesterine qaıǵyǵa ortaqtasa otyryp, kóńil aıtty.
Qyrmyzy JUMAǴALIQYZY,
EUÝ stýdenti