Qoljetimdi áleýmettik qyzmet

Qaraǵandy oblysynda arnaýly áleýmettik qyzmetterdiń tıimdiligi men ashyqtyǵyn arttyrý maqsatynda qanatqaqty rejimde 10 stasıonarlyq úlgidegi arnaýly qyzmetter kórsetý orta­lyǵynyń bazasynda jumys úde­risteri sıfrlandyrylyp jatyr. Joba aıasynda 2 258 arnaýly qyzmet alýshynyń medısınalyq kartalary sıfrlandyrylyp, kóptegen jumys úderisi avtomattandyryldy.

Eńbek jáne halyqty áleýmet­tik qorǵaý, Densaýlyq saqtaý mı­nıstrlikteri men Qaraǵandy obly­synyń ákimdigi arasynda Arnaýly áleýmettik qyzmetter kórsetý orta­lyqtarynyń qyz­metin trans­formasııalaý boıyn­sha ynty­maqtastyq týraly memorandým jasaldy.

Salanyń aqparatyna súıen­sek, búgingi tańda óńirdiń 10 orta­lyǵynan 358 qyzmetker «Sosıým» aqparattyq júıesine qosylǵan. Onda elektrondyq formatta 2 258 arnaýly áleý­met­tik qyzmet alýshylardy tirkeý­den, alǵashqy tekserýden bas­tap kórsetilgen qyzmetter men alynǵan dári-dármekterge deıin júrgizý júzege asyrylmaq.

«Qanatqaqty joba arnaýly áleýmettik qyzmetter kórsetý júıesinde táýekelderdi dálirek basqarýǵa arnalǵan quraldardy usynady. Sıfrlandyrý kórse­tiletin qyzmetterdiń sapasyn jáne alýshylardyń qanaǵattaný deńgeıin arttyrýǵa yqpal ete­di. Bul jobanyń basty jetistik­teriniń biri – ataýlylyqty qam­ta­masyz etý», deıdi Eńbek jáne halyqty áleýmettik qor­ǵaý mı­nıstrligi Áleýmettik qyzmet­ter departamentiniń dırektory Syrym Násı.

Ortalyqtardyń qyzmetin sıfrlandyrý áleýmettik qyzmet­ter kórsetý salasyndaǵy barlyq rásimniń, standart pen talaptyń oryndalýyn avtomatty túrde ba­qylaýǵa jáne qujattaýǵa múm­­kindik beredi. Bul ulttyq zańna­many qatań saqtaýǵa, sondaı-aq bıýdjet qarajatyn jumsaýdyń ashyqtyǵy men tıimdiligin arttyrýǵa yqpal etetin bolady.

Búgingi kúnde oblys deń­geıinde jumys úderisin, mate­rıal­dyq-tehnıkalyq resýrstarmen qamta­masyz etilýin, tósektik oryndardyń tolymdylyǵyn, kadr­larmen qamtamasyz etilýin jáne olardyń biliktilik deńgeıin, vedom­stvolyq baǵynysty meke­me­lerdiń shyǵyn­daryn monıtorıngteý múmkindigi bar.

Joba biraz nátıjege qol jet­kizip te úlgerdi. Má­se­len, qujattamany toltyrý ýaqy­ty qysqartylǵan, bar­lyq qujat­tama elektrondyq for­mat­qa aýys­tyrylǵan, dárilik zat­tar­dyń derbestendirilgen esebi jáne ońaltýdyń jeke baǵdar­lama­synyń oryndalýyn baqylaý qam­tamasyz etilip, alǵashqy me­dısı­nalyq-sanıtarlyq kómek­ke jáne oblys stasıonarlaryna elektrondyq taǵaıyndaý júzege asyrylyp jatyr.

Jalpy, bul joba ortalyq­tardyń jumysyn jaqsartyp qana qoımaı, arnaýly áleýmettik qyzmetter kórsetý júıesiniń qol­jetimdiligin arttyra túspek.