Qarǵyn sý basqan aımaq turǵyndaryna jınalǵan gýmanıtarlyq kómek búginde 30 tonnadan asty, dep habarlaıdy Egemen.kz Almaty oblysy ákiminiń baspasóz qyzmetine silteme jasap.
О́ńirde qyzyl sýdan zardap shekkenderge kómek jınaý qyzý júrip jatyr.
Aıtalyq, «AMANAT» partııasy Almaty oblystyq fılıaly «О́jet» bazary kásipkerleriniń qoldaýymen sý tasqynynan zardap shekken óńirlerge 6 tonna gýmanıtarlyq kómek jınaldy.
«Partııanyń «Kúshimiz birlikte!» aksııasy aıasynda bazar ujymy sý tasqynynan zardap shekken aqtóbelikterge óz úlesterin qosyp, 3 tonna aıaq kıim jáne 3 tonna kıim-keshek jınady. Gýmanıtarlyq kómek erteń de jınalady», deıdi «О́jet» bazary dırektorynyń orynbasary Baýyrjan Sálimbaev.
Buǵan deıin amanattyqtar tasqynnan zardap shekken aımaqtarǵa 1 myńnan asa aıaq kıim joldaǵan bolatyn.
«Jumyla kótergen júk jeńil» degen. Topan sý tirshiligin turalatqan aımaqtaǵy aǵaıyndarǵa qoldan kelgenshe járdem jasaý – azamattyq paryzymyz. Qarǵyn sýdan qınalǵandarǵa qolushyn berýge óńirdegi amanattyqtarmen qatar, kásipkerler, jomart jandar da aıanyp qalmady. Bul istiń basyn quraýda eriktiler men jastardyń belsendiligin erekshe ataý oryndy», deıdi «AMANAT» partııasy Almaty oblystyq fılıaly tóraǵasynyń orynbasary Aslan Kóbentaev.
Aıta ketý kerek, tabıǵı apat aımaǵyndaǵy turǵyndarǵa kómek qolyn sozamyn degen volonterler men oblys turǵyndary úshin «Alataý jastary» KMM oblystyq volonterlik shtaby saǵat 09:00-den 18:30-ǵa deıin jumys isteıdi.