Kúrdeli sý tasqyny jaǵdaıyna baılanysty Kusto Group zardap shekkenderge kómek kórsetýge 400 mln teńge bólingeni týraly habarlady. Zardap shekken aımaqtarǵa qarajat KustoHelp jeke qory arqyly bólinedi, dep jazady Egemen.kz.
«Tabıǵı apattan zardap shekken azamattarǵa janashyrlyq pen qoldaý sózderin bildiremiz. El basshylyǵy, quzyretti memlekettik organdar, eriktiler men azamattar adam qurbandaryn toqtatý men aldyn alý, zardap shekkenderge kómek kórsetý jáne sý tasqynynyń saldaryn joıý úshin qajet nárseniń bárin jasap jatyr. Biz osy jumysqa qosylamyz jáne apattan zardap shekken azamattarǵa barynsha kómek kórsetemiz», dedi Kusto Group negizin qalaýshy Erkin Tátishev.
Anyqtama úshin: Kustohelp qaıyrymdylyq qoryn Kusto Group halyqaralyq kompanııasy qurdy. Qor Qazaqstan Respýblıkasynda covid-19 koronavırýs pandemııasy sebebinen jarııalanǵan tótenshe jaǵdaı kezeńinde halyqtyń neǵurlym zardap shekken jáne osal toptaryna 1 mlrd teńgeden astam mólsherde kómek kórsetýge belsendi qatysty.