Premer-mınıstrdiń birinshi orynbasary Roman Sklıar Petropavl qalasy mańyndaǵy aımaqtardyń turǵyndaryn májbúrli túrde evakýasııalaýdy tapsyrdy, dep habarlaıdy Egemen.kz Úkimettiń baspasóz qyzmetine silteme jasap.
Zarechnyı kenti men saıajaıda turatyn 32 adam óz úılerinen kóshýden bas tartyp otyr. Túnde eldi mekendi aralaǵan Petropavl qalasynyń ákimi Serik Muhamedıev premer-mınıstrdiń birinshi orynbasaryna osyndaı aqparat bergen. Bul málimetti estigen Roman Sklıar turǵyndardy jedel túrde májbúrli túrde evakýsııalaýdy tapsyrdy.
«Men ákimdikke, polısııa departamentine jáne tótenshe jaǵdaılar departamentine turǵyndardy májbúrli túrde evakýsııalaýdy bastaýǵa tapsyrma beremin. Adamdardyń qaýipsizdigin qamtamasyz etý mańyzdy. Eshkim zardap shekpeýi qajet. Oıda joqta sý kelip qalsa, jaǵdaı múldem basqasha bolady. Buǵan jol bermeýimiz qajet», dedi ol.
Sondaı-aq vıse-premer Oıqala yqsham aýdanyndaǵy aınalma jol ýchaskesindegi bógetti tekserip, Kojevennyı kenti men Ýshev kóshesinde salynyp jatqan bógetterdiń jaǵdaıyn kórip qaıtty.