Oblys ákiminiń orynbasary Dımıtrıı Garıkov Ortalyq kommýnasııalar qyzmeti alańynda beınebaılanys arqyly sóılegen sózinde sý tasqyny keltirgen zalal somasy aldyn-ala esepteý boıynsha 57 mln teńgeni quraıtynyn, jýyrda komıssııanyń jumysy aıaqtalatynyn atap ótti, dep habarlaıdy Egemen.kz.
Onyń aıtýynsha, Abaı oblysy boıynsha sý tasqyny jaǵdaıy turaqtaldy. Oblys aýmaǵynda 22 turǵyn úı sý astynda qaldy.
«Aldyn-ala esepteý boıynsha zardap shekken úı qurylystary, tehnıka, úı janýarlary, jeke múlikti eskere otyryp, zalal shamamen 57 mln teńgeni quraıdy. Komıssııa jumysyn 15 sáýirde aıaqtaý josparlanyp otyr», dedi Dımıtrıı Garıkov.
Sondaı-aq oblys ákiminiń orynbasary Aıagóz jáne Aqsýat aýdandarynda engizilgen TJ rejımi 3 sáýirde toqtatylǵanyn eske saldy.
«Aıta ketetin bir jaıt, úıler eń uzaq degende 12 saǵatqa deıin sý astynda qaldy. JAO men TJD qyzmetkerleriniń jedel is-qımyldaryna sáıkes úılerden sý tartyldy. Jalpy, oblystyń barlyq aýdandary sý basý qaýipi bolǵanymen, tek eki aýdanda – Aıagóz jáne Aqsýatta TJ rejımi jarııalanyp, 3 sáýirde toqtatyldy», dedi spıker.
Sondaı-aq Dımıtrıı Garıkov oblystyń ınfraqurylymyna keltirilgen zalal týraly aıtty.
«Sý tasqyny saldarynan 4 kópirge nuqsan keldi, onyń 2-ýi iri kópirler. Qazirgi ýaqytta Aıagóz aýdanynyń bir aýyly kólik qatynasynsyz qalyp otyr. Infraqurylym boıynsha komıssııanyń jumysy da aıaqtaldy, shamamen 2,5 mlrd teńge shyǵyn kelgeni anyqtaldy. Sý tasqynyna qarsy is-sharalar kezinde tikushaq paıdalanylyp, 700 keli gýmanıtarlyq kómek jetkizildi. Sý basý qaýpi joıyldy, óńirdegi sý tasqyny jaǵdaıy turaqty», dep qorytyndylady oblys ákimi orynbasary.