Atyraý oblysy ákiminiń baspasóz hatshysy Rýslan Jumaǵazıev sý tasqynyna qarsy júrgizilip jatqan sharalar týraly aqparat usyndy, dep habarlaıdy Egemen.kz.
«Jaǵalaýdy qorǵaý jumystaryn kúsheıtý maqsatynda barlyq jol-qurylys jumystary toqtatyldy. Iri munaı kompanııalarymen de kelissózder júrgizildi. Nátıjesinde Atyraý qalasy 107 ýchaskege bólinip, bir ǵana qalanyń ózinde 673-ke jýyq arnaıy tehnıka men 7 myńǵa jýyq erikti jumys istep júr. Sońǵy úsh kúnde 42 shaqyrym jaǵalaýdy qorǵaý bógetteri men 350 myńnan astam qap tóseldi», dedi Rýslan Jumaǵazıev Ortalyq kommýnıkasııalar qyzmetinde ótken brıfıngte.
Rýslan Jumaǵazıevtyń aıtýynsha, mundaı jumystar Inder aýdanynda da júrgizilip jatyr, qazirgi ýaqytta Jaıyq ózenindegi sý deńgeıi 4,39 metrdi qurap, jaǵalaýdy bekitý jumystaryna 74 birlik tehnıka men 610 jumysshy jumyldyrylǵan.
Sondaı-aq Mahambet aýdanynda 37 shaqyrym bóget nyǵaıtylyp, 12,8 shaqyrym bóget qaıta salyndy.
Qyrmyzy JUMAǴALIQYZY,
EUÝ stýdenti