Almatyda qoǵamdyq kólikke mingen jolaýshy júrgizýshini soqqyǵa jyqty, dep habarlaıdy Egemen.kz.
Qalalyq jol polısııasynyń baspasóz qyzmeti habarlaǵandaı, búgin saǵat 8:00 shamasynda Bostandyq aýdanynda qoǵamdyq kólik ishinde taǵy bir janjal shyqty.
«98-marshrýttaǵy avtobýsta 38 jastaǵy jolaýshy qoǵamdyq tártipti óreskel buzyp, avtobýs júrgizýshisine dene jaraqatyn keltirgen. Kúdikti ustalyp, ýaqytsha ustaý ızolıatoryna qamaldy. Qylmystyq is qozǵaldy. Buzaqylyq faktisi boıynsha saraptama taǵaıyndaldy», dedi Bostandyq aýdandyq polısııa bóliminiń bastyǵy Dıdar Ahanov.
Kúdikti sol sátte jumysqa keshigip jatqanyn aıtyp, júrgizýshiden avtobýsty tezirek júrgizýin talap etkeni anyqtaldy.