Búgin, 14 sáýirde saǵat 13:40-ta TJD kúshterimen 2000 jyly týǵan jigittiń denesi óz turǵyn úıinen 1 km qashyqtyqta 1,5 m tereńdikte sý astynan tabyldy, dep habarlaıdy Egemen.kz.
Aıta keteıik, 6 sáýir kúni Jylyoı aýdany Qulsary qalasynda 1976 jyly týǵan ákesi men 2000 jyly týǵan balasy sý basqan úıin kórýge barǵan bolatyn.
«Qutqarýshylar shaqyrtý túsken ýaqyttan bastap, turǵyndardy evakýasııalaý jumysyna qaramastan izdestirý júrgizgen bolatyn.
Izdestirý jumystaryna Atyraý oblysy TJD 40 jeke quram, 1 birlik tehnıka, 6 birlik júzý quraly jumyldyryldy», delingen Atyraý oblysy TJD Qoǵammen baılanys toby taratqan habarlamada.
Atyraý oblysy TJD azamattardy sý tasqyny kezeńinde óte muqııat bolýǵa jáne qaýipsizdik erejelerin saqtaýǵa, tıisti ruqsatsyz úıler men evakýasııalaý pýnktterinen ketpeýge shaqyrady.