Almaty kósheleriniń birinde burynǵy áıelin uryp ketken er adam halyq aldynda keshirim surady. Oqıǵa ornynda túsirilgen vıdeo jelide tarap, qoldanýshylardyń narazylyǵyn týdyrdy, dep jazady Egemen.kz.
Jazba avtorynyń aıtýynsha, soqqyǵa jyǵylǵan áıeldiń esimi - Saltanat.
Kelinshek 11 jyldyq nekeden keıin ajyrasýǵa bel býyp, balalaryn alyp, Tarazdan Almatyǵa kóship ketken. Avtor kelinshektiń burynǵy kúıeýi ony ańdyp, májbúrlep qaıtarýǵa tyrysyp jatqanyn tilge tıek etti.
Aleksandr Kım esimdi er adam burynǵy áıeli Saltanat pen onyń jaqyndarynan keshirim surady.
«Meniń bul áreketimdi aqtaýǵa bolmaıdy, Saltanatqa qolymdy kótermeýim kerek edi. Aqtalǵym kelip turǵan joq, tek jaǵdaıǵa qatysty túsinikteme bergim kelip tur. Biz 11 jyl boıy birge turdyq. Úlgili otbasy boldyq, bir-birimizdi jaqsy kórdik. Birge saıahattadyq, jas otbasylar qyzyǵatyndaı januıa boldyq. Saltanat ekeýimiz tórt balanyń ata-anasy atandyq. Árıne, ydys-aıaq syldyrlamaı turmaıtyn. Sondaı sátterdiń birinde ajyrasyp kettik. Alaıda sezim sónbedi. Kúnderdiń bir kúninde Almatyda kezdesemiz dep kelistik.
Saltanattyń telefon nómirin suradym. Onyń, balalarymnyń sýretin kórgim keldi. Sol kezde Saltanat beıtanys jigitpen turǵanyn baıqadym. О́zim ne bolǵanyn túsinbeı qaldym. Qyzǵanyp kettim. Onyń telefonyn alyp, syndyryp jiberdim», dedi er adam.