Kókshetaýda sý tasqynynan zardap shekken turǵyndarǵa páter kilti tapsyryldy. Saltanatty is-sharaǵa Aqmola oblysynyń ákimi Marat Ahmetjanov qatysyp, memleket zalaldy azaıtýǵa qoldan keletin barlyq jaǵdaıdy jasap jatqanyn atap ótti.
– О́ńirde Memleket basshysynyń tapsyrmasymen turǵyndardyń qaýipsizdigin qamtamasyz etetin aýqymdy is-sharalar qolǵa alyndy. Turǵyndardyń ótinishin elep-eskeremiz. Búgin páter alǵan otbasylarǵa amandyq, saýlyq tileımin. Tabıǵı apattardan aman bolaıyq. Barlyq qıyndyq artta qalsyn, – dedi M.Ahmetjanov.
Memlekettik qordan alǵashqy turǵyn úı alǵandardyń qatarynda kópbalaly Qaparov, Nıkýlınder otbasy boldy. Jańa úı turǵyndardyń kóńilinen shyqqan. О́ıtkeni páterdi ózderi tańdaǵan. Onda turmysta qajetti kerek-jaraqtyń bári bar eken.
– Prezıdent tapsyrmasymen jergilikti ákimdik bizdiń máselemizdi kóp kúttirmeı-aq sheshti. Tabıǵı apat aıtyp kelmeıdi ǵoı. Mundaı jaǵdaıda memleket kómektesedi dep sengenimizben, bulaı jyldam úıli bolamyz dep oılamadyq. Otbasymyz úshin búgin úlken qýanysh. Balalar dán rıza. Elde ahýal turaqtalǵan soń, ózge óńirlerde de biz sekildi oqys jaǵdaıǵa tap bolǵan turǵyndarǵa memleket kómektesedi dep senemiz, – dedi Sáýle Qaparova aǵynan jarylyp.
Memleket basshysynyń tapsyrmasymen Aqmola oblysynda tasqynnan zardap shekkenderdi qoldap, turǵyndardyń múlkin qalpyna keltirý boıynsha tıisti is-sharalar qolǵa alynǵan. Iаǵnı óńirde shyǵyndardy óteý turǵyn úı qatynastary týraly qoldanystaǵy zańnama sheńberinde jalǵasady. Birer kún buryn oblys ortalyǵyndaǵy 174 otbasy jalpy somasy 65 mln teńge shamasynda birjolǵy tólem alǵan. Sondaı-aq materıaldyq shyǵyndardy baǵalaý jáne óteý jónindegi komıssııa 12 otbasynyń 8 mln teńge kóleminde materıaldyq shyǵynyn óteý týraly sheshim shyǵarǵan. Naq qazir arnaıy komıssııa oblystaǵy ózge de turǵyn úılerdiń jaı-kúıin baǵalap, shyǵyndy naqtylaý úshin tehnıkalyq tekserý jumystaryn jalǵastyryp jatyr.