Oral qalasynda patrýldik polısııa batalonynyń qyzmetkerleri kólik júrgizý kezinde júregi ustap qalǵan áıel adamdy aýrýhanaǵa jetkizdi. Oqıǵa 18 sáýir kúni bolǵan, dep jazady Egemen.kz.
Derkól aýylyndaǵy Okrýjnoe shosse kóshesiniń boıynda patrýldik polısııa batalonynyń qyzmetkerleri, polısııa kapıtany Narıman Rasýl men polısııa aǵa leıtenanty Baqdáýlet Kárimov kólik esigin ashyp, kómekke shaqyrǵan áıel adamdy baıqaǵan.
Pagondaǵylar kólikke jaqyndap, mán-jaıdy suraǵanda kelinshek keýde tusynyń aýyryp turǵanyn aıtyp, aýrýhanaǵa jetkizýdi ótingen.
Tártip saqshylary lezde kómek kórsetip, densaýlyǵyna shaǵymdanǵan áıeldi aýrýhanaǵa jetkizdi.
О́ńirdegi Polısııa bóliminiń baspasóz qyzmeti qazir naýqastyń densaýlyǵy qalypty, dárigerlerdiń baqylaýynda ekenin málimdedi.