Sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın sý tasqyny bolyp jatqan óńirlerge gýmanıtarlyq kómek jetkizetin 3 dron satyp alynǵanyn habaralady, dep jazdy Egemen.kz.
ARC Drones dron qurylǵysynyń 3 danasy Amerıkadan satyp alyndy.
«Qazir ARC Drones ókilderi Atyraý qalasynda júr, olar TJM qyzmetkerlerimen birlesip eń shalǵaı jáne jetkizý qıyndyq týǵyzatyn jerlerge azyq-túlik, dári-dármek pen basqa da ómirlik mańyzdy zattardy shuǵyl tasymaldaý jumystaryna kirisýge daıyn», dep jazdy Baǵdat Mýsın.
ARC Drones – otandastarymyz Álibek Ersaı men Ásel Tursyn negizin qalaǵan amerıkalyq startap. Bul drondar 10 km radıýsta 30-40 kelige deıin júk kóterip, kúnine 100-ge deıin reıs jasaı alady.
Mınıstr atalǵan drondar sý synamalaryn da jınaýǵa qaýqarly ekenin aıtty.
Sondaı-aq ARC Drones dron qurylǵysy qutqarýshylar men eriktilerdiń qaýipsizdigin qamtamasyz etip, jumysyn jeńildetedi.