Aqtaýdaǵy turǵyn úı keshenderiniń birinde er adam kishkentaı balalarynyń kózinshe áıeline kúsh kórsetken. Ol ustalyp, polısııa basqarmasynyń ýaqytsha ustaý ızolıatoryna qamaldy. Bul týraly oblystyq polısııa departamentiniń baspasóz qyzmeti habarlady, dep jazady Egemen.kz.
«Qylmystyq is qozǵaldy. Tergeý múddesi úshin ózge aqparat jarııa etýge jatpaıdy», dep málimdedi polısııa ókilderi.
Aıta keteıik, 21 sáýirde áleýmettik jelide Aqtaýdaǵy turǵyn úı keshenderiniń baspaldaq alańynda balalarynyń kózinshe áıelin sabaǵan er adamnyń vıdeosy taraǵan.
Vıdeoda er adam áıeliniń qolyn qaıyryp, ekinshi qolymen onyń aýzyn jaýyp turǵanyn baıqaýǵa bolady. Jazbada kelinshektiń aıǵaılaǵan, balalardyń jylaǵan daýysy estiledi.