«Otbasy» banki tóraǵasynyń orynbasary Nurlan Aqshanov 1 mamyrda iske qosylatyn «Naýryz» jańa ıpotekalyq baǵdarlamasynyń sharttary týraly aıtyp berdi, dep habarlaıdy Egemen.kz.
Prezıdenttiń tapsyrmasy aıasynda 1 mamyrdan bastap «Naýryz» baǵdarlamasy iske qosylady.
Nurlan Aqshanovtyń aıtýynsha, depozıtti ashý merzimine eshqandaı talap qoıylmaıdy.
«Depozıtte kem degende 1 mln teńge bolýy kerek. Sońǵy 5 jylda turǵyn úı jáne turǵyn úıge qatysty operasııalar bolmaýy kerek. Ipotekalyq nesıe áleýmettik osal toptarǵa 7 paıyzben, qalǵan sanattaǵy azamattar úshin – 9 paıyzben beriledi. Alǵashqy jarna - 20 paıyz. Qaryz merzimi 19 jylǵa deıin sozylady. Bıyl ótinimder 1 mamyrmen 1 shilde aralyǵynda qabyldanady. Qabyldanǵan úmitkerlerdi baǵdarlama avtomatty túrde irikteıdi. Olardyń tizimi banktiń resmı saıtyna jarııalanady», dedi ol.
«Naýryz» baǵdarlamasy sheńberinde Astana men Almaty boıynsha baspana qunyn 36 mln teńge, óńirlerge 30 mln teńge etip bekitý usynylyp otyr.
О́z kezeginde О́nerkásip jáne qurylys mınıstri Qanat Sharlapaev osy jyly baǵdarlama boıynsha 300 mlrd teńgege 12 myń ıpotekalyq nesıe berilse, odan ári 8 myń nesıe berý úshin jyl saıyn 200 mlrd teńge qarastyrylatynyn aıtty.