Ishki naryqta otyn balansyn saqtaý, sondaı-aq munaı ónimderiniń aǵyndary men «sur» eksport táýekelin azaıtý maqsatynda Energetıka mınıstrligi avtokóliktiń tutyný kólemi men shyǵý tegine baılanysty AI-92, AI-93 benzıni men dızel otynyna naqtylanǵan baǵalary bar buıryq jobasyn daıyndady.
Buıryq jobasynda AI-92 jáne Aı-93 markaly benzınniń baǵasy lıtrine 245 teńge deńgeıinde belgilenedi dep boljanady. Qazaqstanda berilgen júrgizýshi kýáligin kórsetken kezde táýligine 100 lıtrge deıingi kólemde baǵa lıtrine 205 teńge qalpynda ózgerissiz qalady. Elimizde berilgen motosıkl, jeńil, júk, arnaıy, mamandandyrylǵan avtomobılder men avtobýstarǵa júrgizýshi kýáligi men kólik quralyn tirkeý týraly kýálik usynylǵan kezde táýligine 300 lıtrge deıin – lıtrine 205 teńge kóleminde.
Qujatta dızel otynynyń baǵasy (jazǵy, maýsymaralyq) lıtrine 315 teńgeni quraıdy dep boljanady. Qazaqstanda berilgen júrgizýshi kýáligin kórsetse lıtrine 295 teńgeden táýligine 100 lıtrge deıin alady. Sonymen qatar júk, arnaıy, mamandandyrylǵan avtomobılder men avtobýstarǵa júrgizýshi kýáligin jáne kólik quralyn tirkeý týraly kýálikti kórsetken kezde táýligine 300 lıtrge deıin – lıtrine 295 teńgeden alady.
Buıryqtyń jobasy barlyq múddeli taraptardyń talqylaýy men usynystary úshin «Ashyq NQA» saıtynda jarııalandy.