Atyraý oblysynda Jaıyq ózeniniń jaıylmasyna sý shyǵa bastady. Máselen, keshe Mahambet aýdanyndaǵy 17 ýchaskege qarǵyn sýdyń jaıylǵany tirkeldi.
Alaıda Mahambet aýdany ákimdiginiń málimetinshe, jyl saıyn Jaıyq ózeniniń jaıylmasyna 9 mamyrdan buryn sý shyqpaıtyn edi. Bıyl qarǵyn sý ádettegiden eki apta buryn keldi. Qazir Jaıyq ózeninen Tólep-Qarasý, Qorjyn, Almaǵambet, О́lishyǵanaq, Gagýshkın, Qyzyljar, 8-aýyl, 9-aýyl, 12-aýyl, 13-aýyl, 15-aýyl, Petrýshkın, Qarashyǵanaq, Kishiqarashyǵanaq, Baqsaı, Glýhoı jáne Sbornyı jaıylmasyna qarǵyn sý jaıyldy. Osyǵan baılanysty, qaýipsiz aýmaqtardyń marshrýty men kartasy ázirlengenin Mahambet aýdandyq kásipkerlik jáne aýyl sharýashylyǵy bóliminiń basshysy Oljas Myrzabaev atap ótti. Bul rette aýyldyq okrýg ákimderi, aýdandyq jer qatynastary bólimi jáne aýyl aqsaqaldarynyń keńesi eskerilgen.
«Qazir bul aýdanda 50 myńǵa jýyq mal bar. Jeke ıeliktegi maldy shyǵarý úshin 17 qaýipsiz aýmaq belgilendi. Qaýipti aýmaqtarda kóktemgi egis jumystarymen aınalysatyn 46 sharýa qojalyǵynyń basshylaryna aldyn ala eskertildi. Qaýipsiz aýmaqtarǵa 4 myńnan astam mal aıdaldy», deıdi O.Myrzabaev.
Inder aýdanynda da jeke ıeliktegi tórt túlikti qaýipsiz aýmaqqa kóshirý jalǵasyp jatyr. Aýdandyq aýyl sharýashylyǵy bóliminiń bas mamany Abaı Ábdirovtiń deregine súıensek, bul jumysty aýyldyq okrýgter ákimdiginiń mamandary úılestirip otyr. Osy kezge deıin arnaıy belgilengen qaýipsiz oryndarǵa 5 myńnan asa qoı-eshki, 1 700 iri qara shyǵaryldy.
Atyraý oblysy