Atyraý oblysynyń Inderbor kentinde bolǵan órt saldarynan eki adamdy kúıik shaldy. Qazir ekeýi de aýrýhananyń jansaqtaý bóliminde jatyr.
Atyraý oblystyq densaýlyq saqtaý basqarmasynyń baspasóz qyzmetinen málim etkendeı, bireýiniń jaǵdaıy óte aýyr.
«Inder aýdandyq ortalyq aýrýhanasynyń jansaqtaý bólimindegi eki naýqastyń biri – áıeldiń jaǵdaıy asa aýyr jaǵdaıda dep baǵalanyp otyr. Naýqastyń denesiniń 90-95 paıyzyn kúıik shalǵan. Al er adamnyń jaǵdaıy ortasha aýyr. Qazir naýqastyń ekeýi de jansaqtaý bóliminde jatyr. Naýqastar apparatqa qosylǵan. Áıeldi Atyraý qalasyna jetkizý úshin sanavıasııa qyzmeti shaqyryldy», dep habarlady basqarmanyń baspasóz qyzmeti.