Polıseıler Almatyda ádepsiz sóz aıtyp, qoǵamdyq oryndardy lastaǵan fýtbol jankúıerlerin jaýapqa tartty, dep habarlaıdy Egemen.kz.
- Sondaı-aq, usaq buzaqylyq, sporttyq is-sharalarda ózin-ózi ustaý erejelerin buzý, qoǵamdyq orynda alkogol ishimdikterdi ishý boıynsha quqyqbuzýshylarǵa ákimshilik shara qoldanyldy, - dedi vedomstvo basshysy, IIM resmı ókili Shyńǵys Álekeshev.
Álekeshev mundaı áreket tek "fýtbol jankúıerleriniń" ınstıtýtyna ǵana emes, búkil eldiń ımıdjine nuqsan keltiretinin atap ótti.
- Komandalaryńyzǵa jankúıer bolyp , olarǵa emosıonal túrde qoldaý kórsetýge bolady jáne kerek, tek bári zań aıasynda bolýy qajet. О́z minez-qulqyńyzben qarsylastaryńyzdy nemese qarapaıym azamattardy renjitpeı-aq, - dedi quqyq qorǵaý organynyń ókili.
Sondaı-aq, basqarma basshysy "zań barshaǵa birdeı" degen qaǵıdany saqtaý keregin eske saldy. Qoǵamdyq tártipti buzatyn árbir zańsyz áreket mindetti túrde jaýapkershilikke ákep soǵady.
Buǵan deıin "Aqtóbe" fýtbol klýbynyń jankúıerleri Almaty metrosynda shoý uıymdastyrǵan bolatyn. Jankúıerlerdiń qalyń toby aıqaılap, sekirip, metrodaǵy ótkeldi jaýyp tastady.