Respýblıkalyq aqparattyq shtabta ótken brıfıngte Tótenshe jaǵdaılar mınıstrliginiń ókili Asqar Shárip Qazaqstandaǵy sý tasqyny jaǵdaıy týraly keıingi aqparattardy aıtty, dep jazady Egemen.kz.
Mınıstrliktiń málimetinshe, Atyraý oblysy Jaıyq jaǵasyndaǵy jaǵdaı jiti baqylaýda. О́zendegi sý deńgeıine saǵat saıyn monıtorıng júrgizilip jatyr.
«Atyraý qalasynda Jaıyq ózeniniń boıynda jaǵalaýdy bekitý jumystary jalǵasyp jatyr. Sý tasqyny jaǵdaıyn baqylaý úshin dron qoldanylady. Atyraý oblysyna bekitilgen kúshter men quraldar sý tasqynyna qarsy jumystardy toqtatqan joq», dedi TJM ókili Asqar Shárip.
Sondaı-aq, Respýblıka boıynsha 37324 adam úılerine oraldy. 6817 adam evakýasııalaý pýnktterin panalap otyrg.
6379 turǵyn úı men 2794 aýla aýmaǵynan sý burylyp, soryldy.
Sý tasqyny bastaǵaly beri 12,6 mln astam tekshe metr erigen qar sýy soryp shyǵaryldy, 6,6 mln astam qapshyq jáne 1,5 mln astam tonna ınertti materıal tóseldi.