Ál-Farabı atyndaǵy QazUÝ-dyń 90 jyldyq mereıtoıyna oraı halyqaralyq «TÚRKSOI» túrki mádenıeti uıymy men Tehnologııalardy kommersııalandyrý jáne kreatıvti ındýstrııa ortalyǵynyń qoldaýymen túrki álemi elderiniń kıno jáne medıa fakýltetteriniń stýdentterine arnalǵan «Farabi Film Festival» kınofestıvali jumysyn bastady. Is-sharaǵa Qazaqstan, Qyrǵyzstan, О́zbekstan, Túrkııa, Ázerbaıjan, Túrikmenstan stýdentteri, oqytýshylar men kınomatograftar qatysty, dep habarlaıdy Egemen.kz.
Saltanatty is-sharany Basqarma múshesi – ǵylymı-ınnovasııalyq qyzmet jónindegi prorektory Jámıla Nurmatqyzy Aıtjanova quttyqtaý sózben ashyp, alǵash ret ótken festıval jumysyna tabys tilep, túrkitildes elderdiń kıno jáne óner mamandyǵy boıynsha bilim alyp júrgen stýdentterdiń etnografııalyq derekti fılm, kınoesse, kıno-baqylaý, portret, eksperımentaldy fılm, dokýfıkshen, dokýmentaldy anımasııa janrlary boıynsha 70-ke jýyq týyndylary qabyldanǵanyn atap ótti.
«TÚRKSOI» túrki mádenıeti uıymy Bas hatshysynyń orynbasary Saıd Iýsýf atalǵan ýnıversıtettiń 90 jyldyq mereıtoıymen quttyqtaı kele, túrki órkenıeti bizdiń ǵana emes, tutas adamzattyń órkenıeti, sondyqtan túrki tildes memleketter kınoóneri arqyly tilin, tarıhyn, mádenıetin, salt-dástúrin álemge tanytýy tıis dep tujyrymdady. Osh memlekettik ýnıversıteti kınoakademııa bóliminiń oqytýshy-operatory Akımbaı Kaparov atalǵan festıvaldiń jalǵasyn taýyp, Ortalyq Azııada qanatyn keńge jaıýyna tilektestik bildirdi.
Is-shara barysynda jeńimpazdar TÚRKSOI jáne ál-Farabı atyndaǵy QazUÝ atynan syılyqtar men dıplomdarmen marapattaldy. Túrkmenstan kınofakýlteti stýdentteriniń jetekshisi-rejısser Iskandermýhamed Annamýhamedov «Dýtar áýezi» fılmi úshin TÚRKSOI-dyń bas júldesin ıelendi. Festıval nomınattary boıynsha Qazaqstan, Túrkııa, Ázerbaıjan, О́zbekstan ókilderi jeńimpaz atandy.
«Aqshamdaǵy qońyraý» fılmi úshin QazUÝ-dyń Bas júldesin alǵan qyrǵyz-túrik Manas ýnıversıtetiniń stýdenti Saadat Kazakbaeva: «Ssenarıımen uzaq otyrdym. Fılmim jaı ǵana mahabbat týraly emes, jalǵyzdyqty qalaı jeńip shyǵýǵa bolatyn joldy izdeý edi. Nátıjesinde kóptegen jalǵyzbasty adamdardyń taǵdyryn beıneleıtin hıkaıa týyndady. О́mirdiń máni men maǵynasyn izdegen jandardyń birin-biri tabýy baıandaldy. Jumysymdy ádilqazylar joǵary baǵalanyna baqyttymyn», dedi.
Ál-Farabı atyndaǵy Qazaq ulttyq ýnıversıteti stýdentteri Dıas Iýsýftyń «Boyau», Adnan ál-Hattabtyń «Hasib Untold Story», Oljas Pavlıktiń «QazUÝ: tarıh pen bilim mekeni» atty fılmderi erekshe dep tanyldy. 2021 jyly QazUÝ-da ashylǵan «Kıno&Medıa» bilim berý baǵdarlamasy, shyǵarmashylyq sheberlik, kreatıvti ónim jasaýǵa qabiletti kıno jáne medıa salasyndaǵy suranysqa ıe kadrlardy daıarlap jatyr.
Festıval qonaqtary Murat Esjan, О́tegen Nartaı, Bertis Dıas, Akýnova Arýna, Ývaljanova Álııa sekildi belgili kınematografıster stýdentterge arnap sheberlik synyptaryn ótkizdi. Festvıaldiń mádenı baǵdarlamasy Ál-Farabı atyndaǵy QazUÝ kampýsyna, «Qazaqfılm» kınostýdııasyna, Almaty qalasy mýzeılerine týrmen jalǵasty.
Kórermenniń júregine jol tapqan birqatar týyndylar túrki órkenıetiniń máńgilik qundylyǵyna aınalmaq. Atalǵan bastama aldaǵy jyldary jalǵasyn taýyp, daryndy kınogerler men jas rejısserlerdiń ónerdegi alǵashqy baspaldaǵy bolaryna senemiz.