Almaty oblysynda jol apaty bolyp, úsh adam qaza tapty, dep habarlaıdy Egemen.kz.
Qaıǵyly oqıǵa 8 mamyrda Almaty - Kókpek - Kóktal tas jolynyń 41-shaqyrymynda bolǵan.
- Mitsubishi Lancer júrgizýshisi rólge ıe bolmaı, qarsy qozǵalys jolaǵyna shyǵyp, Nissan Cefiro kóligimen soqtyǵysty. Soqtyǵysý saldarynan Nissan Cefiro ınersııa boıynsha joldyń shetinde turǵan Mitsubishi Pajero Sport pen BMW X5 kólikterine soǵyldy, - dep habarlady polısııa.
Oqıǵa ornynda Nissan Cefiro júrgizýshisi, Mitsubishi Lancer júrgizýshisi jáne onyń jolaýshysy qaza tapty.
Jol apaty faktisi boıynsha qajetti saraptamalardy taǵaıyndaýmen qylmystyq is tirkeldi.
- Qurmetti júrgizýshiler, jol qozǵalysy erejelerin qatań saqtap, ruqsat etilgen jyldamdyqty asyrmańyz. Kólik júrgizý kezinde basqa jol qozǵalysyna qatysýshylardyń ómiri men densaýlyǵy sizge baılanysty ekenin umytpańyz, - dedi polısııa.