Premer-mınıstr Oljas Bektenovtiń tóraǵalyǵymen ótken Úkimet otyrysynda energetıka mınıstri Almasadam Sátqalıev aýqymdy sý tasqyny bolǵan óńirlerde elektrmen jabdyqtaýdy qalpyna keltirý barysy týraly baıandady, dep habarlaıdy Egemen.kz Úkimettiń baspasóz qyzmetine silteme jasap.
Qostanaı oblysynda ajyratylǵan abonentter sany 5 myńnan 700-ge deıin azaıǵan. Aqtóbe oblysynda 5,5 myńnan 13-ke deıin azaıdy.
«Batys Qazaqstan jáne Aqmola oblystarynda shektelgen abonentter 4 esege, al Atyraý oblysynda 3 esege azaıdy. Soltústik Qazaqstan oblysynda apattyq-qalpyna keltirý jumystary júrip jatyr. Qalǵan 5 myń abonentti elektrmen jabdyqtaý sý deńgeıi tómendegennen keıin ótinimder boıynsha qosylady», dedi mınıstr.
Tótenshe jaǵdaıdy joıýǵa 9 myńnan astam energetık maman jáne 2 145 arnaıy avtotehnıka tartylǵan. 414 mobıldi elektr energııasy kózi bar.
«Jaqyn arada ártúrli klastaǵy 3 myńnan astam elektr berý jelisin qalpyna keltirý qajet. Zardapty joıý úshin barlyq qajetti materıal bar», dep túıindedi energetıka mınıstri Almasadam Sátqalıev.