Qyz Jibek kóshesi, 25 mekenjaıynda zańsyz salynǵan nysandy buzý jumystary bastalyp ketti, dep habarlaıdy Egemen.kz.
Almaty ákimdiginiń málimetinshe, aýdany shamamen 544 sharshy metr bolatyn obektini menshik ıesi (jeke tulǵa) ruqsat berý qujattamasynsyz, avtorlyq jáne tehnıkalyq qadaǵalaýsyz sharýashylyq tásilmen turǵyzǵan.
Qurylys basqarma menshik ıesine qatysty jospardan tys tekserý nátıjeleri boıynsha QR ÁQBtK-niń 316-baby 1-bóligi, 321, 322-bóligi 1, 463-bóligi 1-bóligi boıynsha sharalar qabyldady. Sondaı-aq jol berilgen buzýshylyqtardy joımaǵany úshin nusqama berildi. Nusqama talaptaryn oryndamaǵany úshin menshik ıesi QR ÁQBtK 462-baby 3-bóligi boıynsha ákimshilik jaýapqa tartylady.
«2023 jyldyń 9 maýsymynda Medeý aýdandyq sotynyń sheshimimen basqarmanyń obektini buzýǵa qatysty talap aryzy qanaǵattandyryldy. Sodan keıin menshik ıesiniń appelıasııalyq shaǵymy boıynsha sot talqylaýlary júrgizildi. 2023 jyly 21 qyrkúıekte Almaty qalalyq soty birinshi satydaǵy sheshimdi ózgerissiz qaldyrdy», dep túsindirdi ákimdik ókilderi.