«Qazgıdromet» RMK boljamyna sáıkes, búgin, 16 mamyrda Qazaqstan Respýblıkasy aýmaǵynyń basym bóliginde jańbyr jaýyp, naızaǵaı oınaıdy, dep habarlaıdy Egemen.kz.
Sınoptıkter eldiń ońtústik-shyǵysynda jáne shyǵysynda nóser jańbyr men burshaq jaýady dep boljap otyr. Tek soltústikte jaýyn-shashynsyz aýa raıy kútiledi. Respýblıka boıynsha jel kúsheıedi, túnde jáne tańerteń soltústik-batysta, respýblıka ortalyǵynda tuman túsedi.
Jetisý oblysynda, Alakól kólderi aımaǵynda keı jerlerde jel 30 m/s deıin jetedi.
Túnde Pavlodardyń soltústiginde, Qostanaı, Aqmola, Soltústik Qazaqstan oblystarynyń soltústigi men shyǵysynda 2-3 gradýs úsik júredi.
Qaraǵandynyń ońtústiginde, Ulytaý oblysynyń ortalyǵynda, Abaı oblysynyń ońtústiginde, Aqtóbe, Qostanaı oblystarynyń ońtústiginde, Atyraý oblysynyń soltústik-batysynda, Shyǵys Qazaqstannyń ońtústik-shyǵysynda, soltústiginde, ońtústiginde, ortalyǵynda Qyzylorda, Batys Qazaqstan oblystarynyń batysynda, ońtústik-batysynda, Jetisý oblysynyń shyǵysynda joǵary órt qaýpi saqtalady, Túrkistan oblysynyń shóldi aımaqtarynda, Abaı oblysynyń Úrjar aýdanynda óte joǵary órt qaýpi saqtalady.