Atyraý oblysynyń ákimi Serik Shápkenovtiń tóraǵalyǵymen jedel shtab otyrysy ótti. Aldymen aımaq basshysy Jaıyq ózeni boıyndaǵy ýchaskelerge jaýaptylardyń jumys barysy týraly esebin tyńdady, dep jazady Egemen.kz.
Jıynda oblys ákimi Jaıyq jaǵasyndaǵy bógetti kúzetý úshin táýlik boıyna kezekshilikti kúsheıtýdi, dabyl bóget jarylǵan soń emes, dymqyl tarta bastaǵanda qaǵylý kerektigin atap ótti. Ár ýchaskede arnaıy tehnıkalar saqadaı saı turý qajet ekenin basa aıtty.
«Qazir Inder aýdanynda sý deńgeıi tústi, alaıda ol arqany keńge salý kerek degen sóz emes. Qazir nópir sý Mahambet aýdanyna keldi. Bóget astyndaǵy eski qubyrlar turǵan jerlerge salmaq túsip, sý qatty qysymmen bógetterdi jaryp jatyr. Mundaı qaýipti oryndarǵa kezekshilikti kúsheıtý kerek. Endigi kúshti Atyraý qalasy qabyldaıdy. Qalada sý aýdandardaǵydaı jan-jaqqa jaıylyp ketpeı, bir arnamen ótedi. Qatty qysymmen kelgen sý úlken deńgeıge kóterilýi múmkin. Kezekshilikke turǵan mamandar bir jerde qalmaı, ýchaskeni tolyq qadaǵalaý kerek. Ár koordınator basynda júrsin. Qazir jaıbaraqat otyratyn kez emes. Saryózek pen Sokolok arnasy - qalanyń negizgi qorǵanys qurylymy. Ol jerge jetý úshin biraz ýaqyt ótedi. Oqys jaǵdaı bola qalsa, mamandar sol jerde bolsyn. Qalaǵa túser salmaq kóbeıgeli tur», dedi Serik Shápkenov.
Serik Shápkenov jetispeıtin qural-jabdyqtardy tolyqtyryp, bóget basyndaǵy qaýipsizdik erejesin saqtaýdy tapsyrdy.
Jedel shtab Atyraý oblysynda 500 shaqyrymnan astam bóget salynǵanyn habarlady.
Qazir ártúrli uıymdardyń 2000-nan astam qyzmetkeri, eriktiler, áskerı qyzmetshiler táýlik boıy kezekshilikte tur.