Jyl basynan beri kólik quraldaryn tehnıkalyq baqylaýdan ótkizý erejelerin saqtamaǵan operatorlarǵa 270 hattama toltyrylǵan. Bul týraly QR Kólik mınıstrligi málim etti, dep habarlaıdy Egemen.kz.
«Tekserý operatorlary tarapynan zań buzýshylyq faktileri kóbeıgen. Máselen, 2023 jyly mehanıkalyq kólik quraldary men olardyń tirkemelerin mindetti tehnıkalyq baıqaýdan ótkizý kezeńdiligin bekitý týraly buıryqty buzǵany úshin operatorlarǵa 394 ákimshilik hattama jasalyp, 8 mıllıon teńge kóleminde aıyppul salyndy. Sonymen qatar 2024 jyldyń 4 aıynda mindetti tehnıkalyq baıqaýdy uıymdastyrý jáne ótkizý qaǵıdalaryn buzǵany úshin 270 ákimshilik hattama toltyrylyp, 7,8 mln teńge aıyppul salyndy», dep habarlady vedomstvo.
Mınıstrliktiń málimetinshe, 10-nan 50 AEK-ke deıin aıyppul salynǵanymen, operatorlar zańdy buzýdy áli de toqtatpady.
«Osyǵan baılanysty Ákimshilik quqyq buzýshylyq kodeksiniń 616-babyn buzǵany úshin aıyppuldy 30-dan 100 AEK-ke deıin arttyrý qarastyrylyp jatyr», dep qosty mınıstrlik ókilderi.
Qyrmyzy JUMAǴALIQYZY,
EUÝ stýdenti