Almatyda 1 212 dana aqbóken múıizin satpaq bolǵan tórt adam ustaldy. Zańsyz áreket qalalyq polısııa departamentiniń uıymdasqan qylmysqa qarsy kúres basqarmasy qyzmetkerleri júrgizgen arnaıy is-shara nátıjesinde anyqtaldy, dep habarlaıdy Egemen.kz Polisia.kz-ke silteme jasap.
«Oblys aýmaǵynda Hyundai kóligi toqtatyldy, tintý barysynda 1 212 aqbóken múıizi tabylyp, tárkilendi. Kúdiktiler PD-nyń ýaqytsha ustaý ızolıatoryna qamaldy. Qazir sotqa deıingi tergeý amaldary júrgizilip jatyr», dedi Almaty qalalyq polısııa departamenti bastyǵynyń orynbasary Qýatbek Naýatov.
QR QK-niń 201-babyna sáıkes ózge aqparat tergeý múddesine oraı jarııa etilmeıdi.