Bir kezde osyndaı oı kelip, zerttep kórgen edim. Ol Mádilhan sultan Abylaıhanov bolyp shyqty.
Osydan 127 jyl buryn, 1897 jylǵy 22 mamyrda Ombyda qala tarıhynda alǵash ret velojarys ótkizilipti. Osy jarysqa Omby muǵalimder semınarııasynda oqyp júrgen Mádilhan da qatysyp, altyn medaldy jeńip alypty. Bul málimetti «1000 znamenatelnyh sobytıı ız ıstorıı Omska» degen kitaptan keziktirdim.
Mádilhan – Abylaı hannyń urpaǵy. Ákesi – áıgili «Dala ýálaıatynyń gazetiniń» redaktory bolǵan Esmuhamed Joshyuly. Mádilhan Abylaıhanov ofıser bolǵan, Birinshi dúnıejúzilik soǵysqa qatysqan. Derekterde onyń Dýtovtyń keńesshisi bolǵany, keıin Qytaıǵa ótip ketkeni aıtylyp júr.
Aıtpaqshy, «Atamannyń aqyry» kınosyndaǵy Abylaıhanov – osy Mádilhan. Onyń rólin Nurmuhan Jantórın oınaıdy.
Serikbol HASAN,
jýrnalıst