Petropavlda 94 jastaǵy zeınetker 80 jastaǵy áıelin taıaqtap, óz úıin jaryp jibergen, dep jazady Egemen.kz astanatv.kz-ke silteme jasap.
Qarttardyń janjalyna «aýlasyna bógde adamdardyń kartop ekkeni sebep bolýy múmkin». Áýelde osyny túsinbegen zeınetker ata, ony shóberesimen ózi ekkenin eske salǵan jubaıynyń aıtqanyn elemegen.
Osylaısha, 94 jastaǵy zeınetker óz úıin jaryp jibergen. Qyzyǵy qaýiptiń ortasynda, úıdiń ishinde ózi de bolǵan.
Kórshiler jarylys bolǵan úıge jetkende qart terezeden aman shyqqan.
Al onyń áıeli 80 jastaǵy Galına Kameneva joldasynyń 69 jyldan beri ózine alǵash ret qol kótergenin aıtyp, kórshisine jedel járdem men órt sóndirýshilerdi shaqyrtqan.
Qarııalardyń kórshileri zeınetker atanyń daý-damaıǵa áýes bolǵanyn aıtady.
«О́rt sóndirýshiler kelgende úı tolyǵymen órtenip, kórshi úıdiń syrtqy qasbeti órtene bastady. Al zeınetker terezeden shyqqan bolýy múmkin. Polısııa bólimshesine azamattyń jónsiz áreketi týraly qońyraý tústi. Biz oqıǵa ornyna kelip, mán-jaıdy anyqtaǵymyz kelgenmen, qart jaýap berýden bas tartty», dedi Petropavl qalalyq Tótenshe jaǵdaılar bóliminiń basshysy Nazymbek Elemesov.
Qazir polısııa bul fakti boıynsha tergeý júrgizip jatyr. Denesin kúıik shalǵan 94 jastaǵy zeınetkerdiń ózi qalalyq aýrýhanalardyń birine jatqyzyldy. Dárigerler onyń jaǵdaıyn aýyr dep baǵalap otyr.