Túrkistan oblysynda júk kóligimen kelin ákelip, kortej uıymdastyrǵandar jaýapqa tartyldy, dep jazady Egemen.kz.
Qazyǵurt aýdandyq polısııa bóliminiń qyzmetkerleri túngi saǵat 00:30 shamasynda aýyl kósheleriniń birinen memlekettik nomersiz, kortej uıymdastyrǵan kólikterdi toqtatty.
Júk kóligi bar quqyq buzýshylardyń toı kortejin uıymdastyryp, kelin ákele jatqany belgili boldy.
Tártip saqshylary jol erejesin óreskel buzǵan kólikterdi birden toqtatyp, aıypturaqqa jetkizdi.
Onyń ishinde Volvo FH júk kóliginiń júrgizýshisine qatysty 5 hattama toltyryldy. Ol avarııalyq jaǵdaı týǵyzyp, baǵdarshamnyń tyıym salynǵan sıgnalyna toqtamaǵan ári memlekettik tirkeý nómirinsiz jolǵa shyqqan. Sonymen qatar joldyń júrý bóligindegi tańbalarda kórsetilgen talaptardy saqtamaǵany, tıisti ruqsatsyz qaıta jabdyqtalǵan kólikti basqarǵan.
Atalǵan faktiler boıynsha Lada 21144 kóliginiń júrgizýshisine úsh, al Lada Granta FL júrgizýshisine eki ákimshilik hattama toltyryldy.
Quqyq buzýshylar kinálaryn moıyndady.