Almaty oblysynyń Kegen aýdanynda jol apaty bolyp, saldarynan 13 adam aýrýhanaǵa tústi, dep habarlaıdy Egemen.kz.
Oblys ákimdiginiń málimeti boıynsha, 27 mamyr kúni saǵat 10:20-da «QazAvtoJol» jelisine qarasty «Alasa» asýyndaǵy kúrdeli jol burylysynda avtobýs joldan shyǵyp ketkeni belgili boldy.
«Oqıǵa ornyna dereý Kegen aýdanynan eki jedel járdem brıgadasy shyqty. Avtobýsta 37 adam bolǵan. Kegen aýdandyq aýrýhanasyna 5 adam, Jalaǵash aýdandyq aýrýhanasyna 4 adam, Shelek aýylyna 4 adam jetkizildi», delingen oblys ákimdigi taratqan habarlamada.
Oqıǵanyń naqty sebebi áli belgisiz, tergeý júrgizilip jatyr. Zardap shekkenderdiń jaǵdaıy turaqty.
Qyrmyzy JUMAǴALIQYZY,
EUÝ stýdenti