Almaty oblysyndaǵy asýlardyń birinde týrıster mingen avtobýstyń aýdarylyp ketýine jol bergen júrgizýshi qamaýǵa alyndy, dep habarlaıdy Egemen.kz.
Almaty oblystyq polısııa departamentiniń málimetinshe, 27 mamyr kúni Yutong avtobýsynyń júrgizýshisi Kegen-Jalanash-Kólsaı avtojolynyń besinshi shaqyrymynda kele jatyp, rýldi basqara almaı, avtobýstyń aýdarylýyna jol berdi.
25 jolaýshyǵa medısınalyq kómek kórsetildi.
- Júrgizýshi kýáliginen aıyrylǵan kólik quralyn basqarǵany úshin avtobýs júrgizýshisi qamaýǵa alyndy. Sonymen birge, avtobýsty aıdaýǵa bergen jolaýshylardy tasymaldaýdy júzege asyratyn uıymnyń ıesine iri mólsherde aıyppul salynady,- dep habarlady polısııadan.