Densaýlyq saqtaý mınıstriniń buıryǵymen vedomstvo apparatynyń basshysy bolyp Tólegen Qapsalyquly Sársembaev taǵaıyndaldy, dep habarlaıdy Egemen.kz mınıstrliktiń málimetine silteme jasap.
Ol 1968 jyly Túmen oblysynda dúnıege kelgen. 1991 jyly Almaty halyq sharýashylyǵy ınstıtýtyn támamdap, keıin quqyqtaný mamandyǵy boıynsha Iаssaýı atyndaǵy Memlekettik halyqaralyq Qazaq-Túrik ýnıversıtetiniń dıplomyn aldy.
Eńbek jolyn Almaty zooveterınarlyq ınstıtýtynda býhgalter, «Aqsaı» oqý-tájirıbelik sharýashylyǵy josparlaý-ekonomıkalyq bóliminiń bastyǵy bolyp bastady, 20 jyldan astam memlekettik kirister organdarynyń oblystyq departamentterinde jumys istedi jáne basqardy.
Ońtústik Qazaqstan jáne Túrkistan oblystary ákiminiń orynbasary, Almaty oblysy ákimi apparatynyń basshysy qyzmetterin atqardy.
2023 jylǵy shildeden beri Qarjy mınıstriniń keńesshisi boldy.
Tólegen Sársembaev salyq jáne qarjy qyzmetiniń úzdigi bolyp tabylady. «Qurmet» ordenimen, «QR-nyń Táýelsizdigine 20 jyl», «Qazaqstan Konstıtýsııasyna 20 jyl», «QR-nyń Táýelsizdigine 25 jyl» mereıtoılyq medaldarymen marapattalǵan.