QR Parlamentiniń Senaty buqaralyq aqparat quraldary ókilderi arasyndaǵy «Parasat» konkýrsynyń bastalǵanyn jarııalady, dep habarlaıdy Egemen.kz.
О́tinim bergen jyldyń aldyndaǵy jyldyń 21 mamyrynan bastap ótinim bergen jyldyń 20 mamyryna deıin Senat qyzmetin jarııa etý jónindegi avtorlyq ujymdardyń da, jekelegen avtorlardyń da BAQ-ta jarııalanǵan materıaldary konkýrsqa qatysýǵa jiberiledi.
«Sizderdi konkýrsqa qatysýǵa jáne óz jumystaryńyzdy jiberýge shaqyramyz. Konkýrs qaǵıdasynyń tolyq mátini jáne ótinishke qajetti blanki Senattyń resmı saıtyndaǵy «BAQ-qa arnalǵan» bóliminde ornalastyryldy. Materıaldar 10 maýsymǵa deıin qabyldanady. Konkýrs qorytyndysy QR Buqaralyq aqparat quraldary qyzmetkerleriniń kúnine oraı shyǵarylyp, laýreattar jarııalanady», delingen habarlamada.
Materıaldardy Senat_Press@parlam.kz elektrondyq poshtasyna jiberý qajet.