Ishki ister mınıstrliginiń málimetinshe, jyl saıyn polısııaǵa ata-anasynyń qaraýynsyz túnde kóshede júrgen 100 myńnan astam kámeletke tolmaǵan jasóspirim jetkiziledi, dep habarlaıdy Egemen.kz.
IIM Ákimshilik polısııa komıteti tóraǵasynyń orynbasary Renat Zulhaıyrov Qazaqstanda sońǵy bes jylda kámeletke tolmaǵandar tarapynan jasalǵan qylmystar sany azaıyp kele jatqanyn aıtty. Alaıda bul quqyq buzýshylyqtar ata-analardyń tıisti qadaǵalaýynyń bolmaýynan oryn alyp jatqanyn aıtty.
«Jyl saıyn respýblıka boıynsha ata-anasynyń erýinsiz júrgen 100 myńnan astam kámeletke tolmaǵan balalar túngi ýaqytta kósheden polısııaǵa jetkiziledi. Onda olar qylmystyń qurbany bola alady nemese ózderi belgili bir áreketterdi jasaı alady», dedi Renat Zulhaıyrov.
Sondaı-aq ol 2024 jyldyń qańtar-sáýir aralyǵynda balalardyń túnde ata-analarynyń erip júrýinsiz kóshede júrgeni úshin 39 myń ata-ananyń ákimshilik jaýapkershilikke tartylǵanyn aıtty. Sonymen qatar túngi ýaqytta kámeletke tolmaǵandarǵa túrli qyzmet kórsetkeni úshin 1,2 myńnan astam kásipker jaýapkershilikke tartyldy.
Qyrmyzy JUMAǴALIQYZY,
EUÝ stýdenti