Memleket basshysy QR Parlamenti Májilisiniń depýtaty, Ardagerler uıymynyń tóraǵasy, Ulttyq Quryltaıdyń depýtaty Baqtyqoja Izmuhambetovti qabyldady, dep habarlaıdy Egemen.kz Aqordanyń baspasóz qyzmetine silteme jasap.
Prezıdentke Baqtyqoja Izmuhambetov «Ardagerler uıymy» respýblıkalyq qoǵamdyq birlestiginiń atqaryp jatqan jumystaryn baıandady.
«Baqtyqoja Izmuhambetovtiń aıtýynsha, qazir 2 joba júzege asyrylyp jatyr. Atap aıtqanda, «Dáneker» bastamasy qolǵa alynǵan. Onyń nátıjesinde sońǵy 4 jylda 6896 daýdyń 4563-inde taraptar isti sotqa jetkizbeı kelisimge kelgen. Al muqtaj azamattarǵa áleýmettik qoldaý kórsetýge baǵyttalǵan «Iskerlik jáne janashyrlyq» jobasy qazir Atyraý, Soltústik Qazaqstan jáne Qyzylorda oblystarynda iske asyrylyp jatyr», delingen esepte.
Sonymen qatar Memleket basshysyna aǵa býyn ókilderiniń «Qoǵamdyq baqylaý týraly» zańdy júzege asyrýǵa belsendi qatysýy týraly aıtyldy. Sý tasqynymen kúresý barysynda ardagerler azamattardy sabyrǵa shaqyryp, jan-jaqty túsindirý jumystaryn júrgizdi.
Sondaı-aq Prezıdentke munaı-gaz salasyn, aýyl sharýashylyǵyn damytý, dinı ahýal, sondaı-aq óńirlerdegi azyq-túlik baǵasyn turaqtandyrý boıynsha usynystar aıtyldy.
Qyrmyzy JUMAǴALIQYZY,
EUÝ stýdenti