Jaıylym jer taptalyp, sharýalardyń zııanǵa ushyraıtyny aıtylyp, kıikterdi atýǵa ruqsat berilgenimen, kıikten kelgen shyǵyn mólsheri eseptelinbegen. Bul týraly Senat otyrysynda Aýyl sharýashylyǵy vıse-mınıstri Amanǵalı Berdalın aıtyp berdi, dep habarlaıdy Egemen.kz.
«Biz barlyq jabaıy janýarlardy zertteımiz, biraq olardyń sanyn rettemeımiz. Demek, bul (dıqandar kıikterden kelgen shyǵyndy óteý úshin shamamen 100 mıllıard teńge surady degen aqparat – redaktordyń eskertpesi //www.uralskweek.kz/kz/) shyndyqqa janaspaıdy. Biz shyǵyndy óteý úshin aqsha suramaımyz. Bizde zııandy óteý ádistemesi ázirlenbegen. Zııandy óteýden buryn fermer óz qarajatynyń bir bóligin jumsaýy kerek. Bizdiń bóken jaǵdaıynda bul – jaıylym. Fermer eshqandaı shyǵyn shyǵarǵan joq, aqbókender jegenge deıin jáne keıin shóptiń qansha sentnerge jetkenin anyqtaý múmkin emes», dedi vıse-mınıstr.
Ol kıikterdi atýǵa ruqsatty Aýyl sharýashylyǵy mınıstrligi emes, Ekologııa mınıstrligi bergenin túsindirdi. Al onyń bólimshesi sharýalarǵa bir teńge de ótemaqy tólemegen.