Parlament Senatynyń Tóraǵasy Máýlen Áshimbaev Memlekettik rámizder kúni merekesine oraı áleýmettik jelilerde quttyqtaý jazbasyn qaldyrdy, dep habarlaıdy Egemen.kz.
«Barshańyzdy Memlekettik rámizder kúnimen shyn júrekten quttyqtaımyn! Bizdiń Týymyz, Eltańbamyz jáne Ánuranymyz – ultty uıystyratyn jáne halyqqa rýh beretin qasterli de qasıetti nyshandarymyz. Olardy qadirleý, qorǵaý jáne qurmetteý ár qazaqstandyqtyń – abyroıly mindeti.
Búgin osy merekege oraı Prezıdentimiz Qasym-Jomart Kemeluly Toqaev Memlekettik tý kóterý rásimine qatysty. Dástúrge aınalǵan mundaı is-shara eń qymbat qundylyqtarymyzdy ulyqtaýdyń mańyzyn keńinen dáriptep, azamattarymyzdyń patrıottyq sezimin arttyra túsetini anyq.
Barshańyzdy ataýly kúnmen quttyqtaı otyryp, eldigimiz eńseli, Táýelsizdigimiz baıandy bolsyn dep tileımin! Kók baıraǵymyz kógimizde jelbirep, ánuranymyz máńgilik shyrqala bersin!», delingen quttyqtaý tileginde.