Semeıde Memlekettik rámizder kúni qalalyq ishki saıasat bóliminiń uıymdastyrýymen «Kók baıraǵym – aıbynym» atty jas aqyndar músháırasy ótti. Jyr dodasyna óleńge jany qumar jıyrmaǵa tarta jas jetkinshek qatysty.
Eki kezeńnen turǵan baıqaýdyń birinshi bóliginde jas aqyndar rámizderge arnalǵan, ulttyq rýhty qasterleý men Otandy súıý taqyrybyndaǵy patrıottyq óleńderin kópshilik aldynda oqyp, synǵa tústi. Ekinshi kezeńde erkin taqyryptaǵy jyrlaryn talqyǵa saldy.
О́zara básekede jastar arasynan sýyrylyp shyqqan Shákárim ýnıversıtetiniń stýdentteri Ulan Nurbol, Mereı Turarbek, sondaı-aq Álıhan Bókeıhan ýnıversıtetiniń stýdenti Aqgúl Serikqyzy uıymdastyrýshylar tarapynan jyr báıgesiniń arnaıy júldesine ıe boldy. Baıqaý qortyndysy boıynsha Azamat Serikuly 3-oryndy qanaǵat tutsa, 2-orynnyń júldesi Mıras Zekenovke buıyrdy. Birinshi oryndy Baǵjan Káripbaeva ıelendi.
«Baıqaýdyń basty maqsaty – 25 jasqa deıingi jastardy jarysqa qatystyra otyryp, búgingi zamannyń patrıottyq jyrlaryn kópshilikke tanystyrý, jas ónerpazdardyń óleńderi arqyly ulttyq naqyshty elimizdiń rámizderin nasıhattaý», deıdi is-sharany uıymdastyrýshylardyń biri Abaı jastary resýrstyq ortalyǵynyń bólim basshysy Ersinbek О́rleýbek.
Oblys aýmaǵynda rámizder kúnine oraı barlyq aýdan turǵyndarynyń qatysýymen Memlekettik týdy kóterý rásimi ótkizilip, jınalǵan kópshilik Memlekettik ánurandy bir ýaqytta shyrqady. Semeı, Kýrchatov qalalary men Jarma aýdanynyń jastary velosherýge qatyssa, Abaı, Besqaraǵaı, Borodýlıha aýdandarynda el mereıin asqaqtatyp avtosherý uıymdastyryldy. Sherýge qatysýshylar bir mezette tý kóterý is-sharasyna qatysyp, el rýhyn kóteretin Ánurandy qosylyp oryndady.
Sonymen birge Semeı ónerpazdary keshkilik qala turǵyndary men meımandaryna patrıottyq ánderden shashý shashyp, koserttik baǵdarlama usyndy.
Abaı oblysy