Búgin saǵat 02.00-degi jaǵdaı boıynsha «Merki ormandardy jáne janýarlar dúnıesin qorǵaý mekemesi» Saryqoba ormanshylyǵynyń aýmaǵyndaǵy órt kólemi 1750 gektarǵa jetti, dep habarlaıdy Egemen.kz Jambyl oblysy ákimdiginiń baspasóz qyzmetine silteme jasap.
Oblys ákiminiń tapsyrmasyna sáıkes, órt sóndirýge jumyldyrylǵan kúshterdi úılestirý úshin oblys ákiminiń orynbasary Q.Mádibek, TJ departamentiniń basshysy A.Toqanov, tabıǵat resýrstary jáne tabıǵatty paıdalanýdy retteý basqarmasy basshysynyń m.a. N.Egemberdıev oqıǵa ornyna shyqty.«Keshe (04.06) saǵat 16:20 shamasynda Jambyl oblysynyń «Merki orman jáne janýarlar dúnıesin qorǵaý mekemesi» KMM Saryqoba ormanshylyǵynyń aýmaǵynda qurǵaq shópter men butalar órtengen. Barlyǵy 244 adam jáne 50 birlik tehnıka tartyldy, onyń ishinde: jergilikti jerde orman sharýashylyǵy qyzmetkerlerinen 100 adam jáne 13 traktor, 2 avtosısterna, sondaı-aq 12 jeńil avtomobıl, Qazavıaaqorǵaýdyń 1 tikushaǵy jáne 6 qyzmetkeri jumys istep jatyr», delingen resmı habarlamada. Sondaı-aq TJD jeke quramynyń 84 adamy men 9 birlik tehnıkasy jumyldyryldy.Qosymsha, orman sharýashylyǵynan 31 adam jáne 6 jeńil avtokólik jáne jergilikti atqarýshy organdardan 26 adam 10 birlik tehnıkasy oqıǵa ornyna shyqty.