1973 jyldan beri 5 maýsymda qorshaǵan ortany qorǵaý kúni atalyp ótiledi. Bul ataýly datada Birikken Ulttar Uıymynyń Qorshaǵan ortany qorǵaý baǵdarlamasy jetekshilikke alynady, dep jazady Egemen.kz.
2024 jyly Dúnıejúzilik qorshaǵan ortany qorǵaý kúnine arnalǵan konferensııa «Jerdi qalpyna keltirý, shóleıttený jáne qurǵaqshylyqqa tózimdilik» taqyrybymen Saýd Arabııasynda ótedi.
«Búkil álemde lastanýdyń, klımattyq haostyń jáne bıoártúrliliktiń joıylýynyń ýly kokteıli saý jerlerdi shólderge jáne gúldengen ekojúıelerdi óli aımaqtarǵa aınaldyryp jatyr. Olar ormandar men shabyndyqtardy joıady jáne ekojúıelerdi, aýyl sharýashylyǵyn jáne qaýymdastyqtardy qoldaý úshin jerdi qurǵatady», dedi BUU Bas hatshysy Antonıý Gýterrısh.
Bul kúni álemde ekojúıelerdi qorǵaý jáne qalpyna keltirý sharalary nasıhattalady. Bıyl ótetin konferensııada «Ýaqytty keri qaıtara almaǵanymyzben, ormandy qaıta ósirip, sý kózderin jáne topyraqty qalpyna keltire alamyz. Biz jermen tatý bola alatyn urpaqpyz» ıdeıasy sarapqa salynady.
Erlan KIIKBAI,
L.N.Gýmılev atyndaǵy EUÝ stýdenti