Beksultan Serikbaıuly tamasha dáriger, el ıgili jolynda eseli eńbek etken adal azamat edi degen mınıstr qaıratkerdiń sanaly ǵumyrynda atqarǵan eleýli isterin eske túsirdi.
«Kóp jyldar boıy áıelder isteri jáne otbasylyq-demografııalyq saıasat jónindegi Ulttyq komıssııada belsendi jumys istegen senimdi serigimiz boldy. Ol Senat depýtaty bola otyryp, Parlamenttiń otbasylyq-demografııalyq saıasat, turmystyq zorlyq-zombylyqtyń aldyn alý salasynda birqatar zańdar qabyldaýyna bastamashy boldy, olardy iske asyrý tetigi boıynsha usynystar ázirleýge qatysty. Beksultan Serikbaıuly sondaı-aq Qazaqstan Respýblıkasynyń EQYU jáne Islam yntymaqtastyq uıymyna tóraǵalyq etý kezinde genderlik teńdik máselelerin kún tártibine engizýge yqpal etip, qajyrly qyzmet atqardy. Onyń jarqyn beınesi jurtshylyq jadynda máńgi saqtalady dep senemin. Marqumnyń jatqan jeri jaryq, topyraǵy torqa bolsyn», dep jazdy Aıda Balaeva.