Aqtaý mańynda jol apatynan eki oqýshy qaıtys boldy, dep habarlaıdy Egemen.kz Lada. kz-ke silteme jasap.
Qaıǵyly oqıǵa senbi, maýsymnyń 8-i kúni Aqshuqyr aýylynyń 21-shi shaqyrymynda bolǵan. Mańǵystaý oblystyq balalar aýrýhanasy baspasóz qyzmetiniń habarlaýynsha, oqıǵa kezinde kólikte tórt mektep oqýshysy bolǵan. Apat saldarynan 2008 jáne 2009 jyly týǵan eki bala qaza tapty.
Aman qalǵandarǵa medısınalyq kómek qajet boldy. Bir jábirlenýshi aýyr jaǵdaıda reanımasııada jatyr, ekinshisi aýrýhanaǵa jatqyzýdy qajet etpeı úıine jiberildi.
Oblystyq polısııa departamentiniń baspasóz qyzmeti adam ólimimen aıaqtalǵan jol apatyna qatysty ázirge túsinikteme bergen joq.