Álemge tanymal amerıkalyq mánerlep syrǵanaýshy ári tálimger Frenk Kerroll 85 jasynda qaıtys boldy. Frenk Kerrol otandasymyz Denıs Tendi jattyqtyrǵan, dep habarlaıdy Egemen.kz.
Frenk Kerroll Olımpıada jáne álem chempıony Evan Lısachek, bes dúrkin álem chempıony Mıshel Kvan jáne eki dúrkin álem chempıony Lında Fratıannany jattyqtyrǵan.
Daryndy shákirtterdiń qatarynda belgili mánerlep syrǵanaýshy Denıs Ten de bolǵan.
«Amerıka mánerlep syrǵanaý sporty ańyzǵa aınalǵan jattyqtyrýshy Frenk Kerrolldyń qaıtys bolýyna baılanysty qaıǵy jamyldy. Ol olımpıada jáne álem chempıondaryn, Dańq zalynyń múshelerin tárbıelep, tájirıbesin bólisti», delingen AQSh mánerlep syrǵanaý federasııasynyń málimdemesinde.
Aıta keteıik, Frenk Kerroll óz ómiriniń 60 jylǵa jýyq ýaqytyn joǵary sanatty mánerlep syrǵanaýshylardy daıyndaýǵa arnaǵan.