2024 jyldyń 11 maýsymynda Qazaqstan musylmandary dinı basqarmasy (QMDB) el aımaqtarynda Qurban aıt merekesine oraı aıt namazynyń ýaqytyn belgiledi, dep habarlaıdy Egemen.kz.
Elimizde 16 maýsym Qurban aıt merekesiniń alǵashqy kúni bolyp jarııalandy. Bul kúni barsha musylman merekelik tań namazyn oqıdy. Onyń ýaqyty kúnniń shyǵýymen baılanysty.
Bir qyzyǵy, eldegi bir ýaqyt beldeýine qaramastan, namaz ýaqyttary ár óńirde ártúrli.
QMDB saıtynda atap kórsetilgenindeı, zýl-hıjja aıynyń alǵashqy on kúninde bar yqylaspen ǵıbadat etip, jaqsylyq pen saýapty amaldardy kóbirek jasaýǵa tyrysý kerek.
Sondaı-aq Qurban aıt namazynan keıin úsh kún ishinde múmkindigi bar musylman qurbandyq shalýy kerektigi aıtylady.
Aıta keteıik, bıyl qurbandyqty onlaın shalýǵa bolady. Sondaı-aq bul kúnderi elorda turǵyndary qoǵamdyq kólikte tegin qatynaıdy.