Birneshe kúnnen beri habar-osharsyz ketken jigitti Batys Qazaqstan oblysynyń polısııa qyzmetkerleri tapty, dep habarlaıdy Egemen.kz.
«Moı gorod» basylymy habarlaǵandaı, 6 maýsym kúni 19 jastaǵy Igor Israılov Báıterek aýdany Rýbejınskoe aýylyndaǵy úıinen shyǵyp ketip, qaıta oralmaǵan. Al 10 maýsym kúni jigittiń anasy polısııaǵa aryz jazǵan. Ol aýtızmge shaldyqqan uly joǵalyp ketkenin jetkizdi.
Anasynyń aıtýynsha, bul birinshi jaǵdaı emes. Jigit buǵan deıin de habarsyz ketip, ózi jumys isteıtin sharýa qojalyqtarynyń birinen tabylatyn edi.
Bul joly da dál solaı boldy. Igor jumys izdep, joǵalyp ketken. Arada bir apta ótkende Israılovty Terekti aýdanynyń polıseıleri taýyp aldy. Ol sol aýdandaǵy sharýa qojalyqtarynyń birinde bolǵan. Igor sharýashylyq basshysyna júginip, jumysqa alýyn ótingen kórinedi.
Qazirgi ýaqytta Igormen bári jaqsy, ol ata-anasynyń qasynda.