Mahambet aýdany ákimi Qaırat Nurlybaev tasqynǵa baılanysty ahýal turaqtanǵanyn málimdedi, dep habarlaıdy Egemen.kz Atyraý oblysynyń TJ jónindegi jedel shtabyna silteme jasap.
«Kún saıyn sý deńgeıi 2-3 santımetrden túsip kele jatyr. Qazirgi ýaqytta 4-5 aýylda qaýip bar. Atap aıtqanda, Taldykól, Alǵa, Saraıshyq, Tańdaı, Eńbekshil aýyldarynda kezekshiler táýlik boıy jaǵdaıdy baqylap otyr. Qorǵanys bógetteri aýyldardy sý basýdan qorǵap tur», dedi aýdan ákimi.
Aıta ketsek, Mahambet aýdanynda Jaıyqty jaǵalaı ornalasqan 17 eldi meken bar. Tasqynnyń aldyn alý maqsatynda 100 shaqyrymnan astam bóget salyndy. Mahambet aýdanyndaǵy sý deńgeıi 9 metr, 77 santımetrdi kórsetip tur. Mahambet aýdany boıynsha qaýipti sý deńgeıi - 8 metr, 50 sm.