«Astana-Zelenstroı» JShS-niń burynǵy bas dırektory jemqorlyq jasady degen kúdikke ilindi, dep jazady Egemen.kz.
Astana qalasy boıynsha Sybaılas jemqorlyqqa qarsy qyzmet «Astana-Zelenstroı» JShS burynǵy bas dırektoryna qatysty sotqa deıingi tergeý júrgizip jatyr.
Ol qylmystyq isti toqtatý úshin quqyq qorǵaý organdarynyń laýazymdy adamdaryn alaıaqtyq jasaýǵa jáne 15 mln teńge somasynda para berýge ıtermelegeni úshin ustaldy.Budan basqa, kúdiktige tapsyrys berýshileri Astana qalasynyń jergilikti atqarýshy organdary bolyp tabylatyn kópjyldyq butalardy otyrǵyzý boıynsha oryndalǵan jumystardyń qunyn arttyrý jolymen óziniń laýazymdyq ókilettikterin teris paıdalanǵany úshin de aıyp taǵylyp otyr.«Sottyń sanksııasymen kúdikti qamaýǵa alyndy. Tergeý jalǵasyp jatyr. Qylmystyq-prosestik kodekstiń 201-babyna sáıkes ózge aqparat jarııa etýge jatpaıdy», delingen Antıkor habarlamasynda.