Úndistanda Kanchandjang ekspresi júk poıyzymen soqtyǵysyp qaldy. Apat saldarynan 9 adam qaza taýyp, 25 adam jaraqat alǵan, dep habarlaıdy Egemen.kz.
The Indian Express basylymy jazǵandaı aımaqtyń negizgi temirjolynda qalaaralyq poıyzdardyń júrý kestesi buzylǵan. Kanchandjang ekspresiniń artqy jaǵyndaǵy úsh vagon júk poıyzynyń soqqysyna baılanysty relsten shyǵyp ketken.
Nóser jańbyr saldarynan adamdardy úıindi astynan shyǵarý jumystary qıynǵa soqqan.
«5 adam, sonyń ishinde júk poıyzynyń lokomotıv mashınısi de oqıǵa bolǵan jerde qaza tapty. 25 adam jaraqat aldy. Adamdardy úıindi astynan shyǵarýǵa tyrysyp jatyrmyz. Jergilikti turǵyndar kóp kómektesti», dedi stansııa qyzmetkeri.
Keıinirek mert bolǵandar sany 9 adamǵa jetken.